معاني جميله

"مـآزلت ع الوعد"

البوست اللي قلت بقول فيه عن المقابلات و أشياء أخرى

بس هب الحين؛ خلآف بإذن الله

 

من زماان اعرفها و اسمعها بس ما كنت استفكر فـ كلمآت الشآعر

مزين القصيد لأولي، اسلوبهم و تعابيرهم

لو أني ما أحب الغزلي، بس بشكل عام يوم أنه التعبير و اسلوب التشبيه

و كيف اييبونه حلو، يعيبنيه

 

اخترت قصيدتين، استفكرو فيهن اقصد ركزو

 

 

 

كَــم عنيت و ييت متولهه

                        مقصدي يـآ شيخ رويآكــم

مـآ حصل لّي حد ف الحلّه

                        يخبرنيه ويـــــن سَكنـــآكم

(( حليله؛ غضّن بيه ،، ما لجي حد يخبره و ينعته))

بـآآآآآعني لووو كنت ما أدلّه

                         مــــــآ تحمل طول فرقـآكم

(( يآآآلله قلفولكم؛ حتى لو ما يدل بقعت المقصود بيتعناا، حليييييله ، ي حافظ))

ليـــت عندي رقم بسجله

                        تيلفون اقراه و انصــــــاكم

يــــــا أديب العصر لك حلّه

                        مــــا حلت داري بليــــآكم

لـــك محل بالقلب ما حله

                         مـــن قبلـــكم حد شرواكم

كم فضل كم جود لك كله

                        ما نسينا طيب حســـناكم

من معادن جود و اهل له

                        لاآآ خلينــــا مـن مـــزاياكم

انتم اهل له و فضل له

                        الصّـــــخا من يوم منشاكم

لو يطول البحث ما ملّه

                         في الادب و الشعر هوياكم

(( حليله، و الله احسّها لابيات من خاطره، و جيه احس ببرآءه، قلفوولكم منّه ))

كم قول قلت في حلّه

                        من معاني الشعر يعـــناكم

انتم أهل الدّآر و الحله

                        كـــم حوَت مــن خير دنياكم

ذا يواب امب متولهه

                         يملــــــكه لاحسان لي ياكم

يشكر الله ثم شكر له

                        مــــثلما قبــــله شكــــرناكم

 

(( مزييييييييييييينها،، انا لو بعلق بعلق على كل بيت هههههه، و الله احس ما ادري يعني تراه عالم الشعر يختلف و الشعراء يختلفون، عن نفسي احس هالشاعر صااااادق تماما في كتابته، لا انه يجامل و لا ينافق و مب انه بس يبا يعد و يشبع رغباته الشعريه،، صدق صدق يرمس، و مناك طبعا الله يعلم ههههه، بس و الله احس الكلمات صادقه و بريئه و جيه طيبه ))

 

 

 

و هـآي قصيدة المغفور له الشيخ خليفه بن راشد آل مكتوم

قـآلهآ في حرمته

حليييييييييييله و الله ما ادري قلبي عورني عليه

يعني صدق معنا المحبه و الوفاء

حسيت ما ادري هههه، خنقتنيه العبره عليهم

 

 

يـآ ويل يـآ من ضاع فكره

                           في شف معسول الشفاتي

لـــــــوّل يسليني بزقره

                          و اقــــول عونك يـآآ غناتـــي

و اليوم عنّي وسط قبره

                           متوسّـــــد اليمنى وفاتــي

يـآ الدّود عن لا تيه خصره

                           بــو يادلن سبع ارضفــــاتي

(( =")،، هب هاينه عليه، يييه ييييه *قلب مكسور* ))

 

حطــــوه قبري عند قبره

                         باحســـــانكم يوم المــماتي

(( من كثر ما انها غاليه عنده يباهم يدفنونه قربها، الله يرحمهم ))

عليك يا المضنون غفره

                        يا خـــــــالجي روف ب غناتي

(( قلفوولكم، و الله انها ما ادري شو اقول عنها، الكلمات تماما صااادقه و طالعه مب لب لفوآد، وين حد جيه يحب؟ اقصد الحين فايامنا هاي؟ يمكن شي ما ادري خخخخ ~ بس جيه صدق و وفااااء ،، انا اللي عيبنيه فالقصيده صدق المشاعر، الحب الصادق الوحيد لي حسيته صدق خخخ ~ هو في امثله وايده بس ما ادري، و لانها اتغضن و تخنق العبره بسبتها عيبتنيه بعد ههههه،، الله يررررررررحمهم))