.




Me & Makeup


فالبووست السآبق
هنيه

قلت بكتب اسم المحل لي خذت فستآنيه من عنده
مب من شي لأنه قبل وآآيدآت سألني من وين خذته
و حتى بعدمآ كتبت عن الحفله هنيه وصلتنيه اسأله من وين خذته
مثل مآ قلت سآبقاً
مآخذتنه من دبي - دبي مول
محل اسمه
Deluchy couture
الطابق الأول
فالسيد لي مجآبل سيد شكسبير


::

"Let me start by something from the past"


منذُ أن كنتُ صغيره
و [ العيَآيز ]
يحشن في رآسي؛ أنّه المكيآج هب زين و يضّر !
[ امآيه ] بعد كآنت دآآيمآ و لين اليوم اتقوليه
الطبع؛ المكيآج هب زين، إلآ كيمآويآت يصبغن به ويوهن، و خلاف يخترب ويهن عند الكبر
يخليهن أكبر من سنهن !
يآ الطبع؛ خلي ويهج نظيف و لا اضّرين عمرج
تراه يضر الجسم بعد ~ من زينهن الحرمآت يوم يحطنّه؟ ما غير يخرب عمارهن هالبنيّ
و الخ من هالكـلآم

- من الطفووووله، و هالرمسه في اذني
- من الطفووووله، و كل مره يقولن لي شي غير من المستجدات
و يحذرني منّه
- من الطفوووله، ولين اليوم وهن يوصني ما احط و أغدي أخير عن غيري
- من الطفووووله، و هن يقولن الطبيعي أحلى
صدقهن الطبيعي احلى



::



كبرت و أنـآ مآ أحب شي اسمه مكيـآج
صح اشوفه وجيه
و ساعات يكون خاااطريه مثلا أجرب
بس طبعا لاااا
لاني ربيت على هالشي


دخلت الجآمعه
اول كمن اسبوع ما كنت حتى اتجحل !!
اصلا امبوني مآ كنت اتجحل، احيد مرّه فـ الاعداديه حطيت اثمد
و حسيت غير ههههه
تقدرون اتقولون اول مره في حياتي اكحل عيني
فأول سنه جامعه لوووول

بديت اتجحل/اتكحل
كنت مااا اضبطه ههههه ما اعرف اسويه
عين غير و عين غير هههههه
بس يعني قريبآت من بعض خخخ
تميت دوووم دوووم ما اسير الجامعه الا متكحه
مب من داخل و بس
لا كنت احآول ارسم عيني من برى و احط طبعا من داخل

كنت اتعذب
سآعه بس عشان اتكحل
و عسب الجحال، انش قبل بوقت وآآآيد لاني مب بسرعه اخلص التكحيل
 احط و امش و احط و امش ههههه
و ليته يضبط !!!
بس كنت امشي حالي هههه


لين بديت اتعود على حطي للكحال لو انه بعده مب سيده يكون
بس يآآآآآ حيّه عن قبل هههههه
ما يتلاحظ انه مب نفس الشي

الحمدلله اتحسنت في حطي للكحال


::


[ في شهر ينآير من عآم 2009]

كـآن عرس ختيه لي اكبر عني اعتقد بـ 4 سنين
"ختيه من الابو"
أحيد اني سرت العرس ههههههههه
اوكيه قسمن بالله سآيره و انا هب حاطه مكيآج -_-
احيد الوضيحيه وحده من عناصر الاف فور قالت مخبلش و مغرمش
حد يسير عرس حد من هله ما يحط شي
محد قالش ترسي ويهش بس على الاقل شي بسيط
احيد اني بس عدلت شعريه و خليتها اتكحلني و كشخت بالفستان
و كـآن الله غفورا رحيمااا
ما صدقن لين قربت على صورتيه و انا بددوووون شي، وحلفت بعد
اصلا لي كانت اتعدلني انصدمت اني بكون في عرس ختيه و بدون مكياج >_<
>> محد له خص فيّه

بس كااان شعور جميـــــــــل
هههههههههه


[في شهر أبريل من عام 2011 ]

كآن عرس آخر خوآتيه من ابويه
هالمـره ~ مآ خلني خوآتي الكبآر خخخ
الا احط مكيـآج ~ و انا الصدق اتحمست احط هههه
يعني يكون في خاطريه بس اخااف احط
مشكلتيه أجز، أجز شي يكون على ويهي
حتى لكريم عشان الجفاف
اجززززز
اجز المكيآج ~ من يوم كنت صغيره اجزززه بشكل ~  يعععع
احس جنّه وصخ على ويهي محطوط و لازم اغسله ههه

مريم بكري لي اتعدل العرآيس هي عدلتنآ نحن قبل عقب ختيه العروس
احيد كنت اول وحده
اول شي نبهت عليهآ مليون مره انه مآ اتحطلي وآآيد
و أني ابا يبين انه طبيعي
ما ابا ألوآن / مآ ابا تسوي شي بحوآجبيه / مآ ابا اي شي ههههه
~ مآ ادري شو الفايده اتمكيج خخخخ
اول ما بدت اتحطلي لااااعت جبدي
حآولت اقبض عمري ههههه
غمضت عيوني و تميت ارمس عمري انه عادي
شو فيهآ؟ و احاول اخوز شعور الجزوزيه ~ خص البوده وكريم الاساس
هن يلوعن بجبدي أكثر شي هههههه
يع يع يع

خبصتلي فـ ويهي
لا حليلها ما خبصت بس يعني ما سووت كيف كنت متخيله
صح خفيف و جيه  بس و الله ما كااان حلووو
و اللي قال حلو مع احترامي، خراااط ~ اصلا ههههههههههههههه
خويه من امايه و ابويه كان ياي يشلنا اقاعة الخبيصي
يوم شااافني فج عيوووونه
هههههههههه
أول مره يشوفني حاطه ميك اب
ما الومه انا يوم شفت عمري اتعرفون اول اطلاله به فجيت عيوني خخخ

ما عيبه
احيد خالوه كآنت متمكيجه مره من زماان يوم كنا فالمدرسه و يت بتسلم على خويه
لاعت جبده ههههههه
وآيهها وو عقب سار يغسل خشمه ههههههههههههههههه
هو ما يحب يسلمن عليهن و هن ما ادري شو مسويات بويوهن هههه
حليلنا كلنا انجز

حسيتها خربت ثميه و ما ادري شو سوت بعد
ما عرفت اكتشف شو سوت لاني ما قد حطيت مكيآج
ههههههههه غبيه و جآهله فـ هالموآضيع
احيد اني قعدت ساعه عند المغآسل اطالع عمري فالمنظره فيني صايح
مب حلووو و ما اقدر امشه ~ متى بترد اتحطلي
واستحي اني اقولهم خلاص ما ابا مكيآج ابا بس ارسم عيني
بتزعل هاي مريم ~ انا ما احب اجرح حد
و اصلا ما بغيت ابيّن اني ما اعرف للمكيآج هههههه
اوني يعني انا اللي فاهمه ~> وآآآآيه امحق

و اللي قهرني اني ما نتبهت على ثميه انها كبرته -_-
الثم الصغير يعتبر من علامات الجمال عند لوّلين
حتى لين الحين ~ بس البوتوكس لي يحطنه عسب ينفخن
طلّع موضة الثم الكبير
آآآآه يا القهر انا احب ثميه صغيره برااااايه
كيف ما انتبهت انها كبرته شويه؟؟؟
قسسسسسسسسسسسسسسسم بالله
فالعرس كنت ما اروم ارفع عيوني فالحرمات
فضيحه، عاد خص حرمات حارتنا ~ و اهلنا و جيه
ما قد في حياتهم شافوني حاطه مكيآج
و امبونه هب عاااايبني
كل ما يزقرني تيني الصيحه ~ اقول فـ خاطريه لاااا حرام عليكن
ههههههههههه
اسير و عيوني يا اطالع سيده يا تحت يا ما ادري وين من الفضحه
ويتمن سااااعه قابضات ايدي و يطالعن و يبتسمن
بغض النظر عيبهن او ما عيبهن
انا كنت في حاله يُرثى لهااااا
آآآه كان شعور قمه فـ المب حلووو ههههههه
يع يع يعععع
و الله العظيم، الله !! اني اتنرفز يوم اذكر العرس
احس لو اممم ما ادري بس و الله اموووت م القهر ههههه


[ في شهر فبرآير من عام 2012 ]

حلفت يمين اني احط و هالمره بتشرط بالصدق و لا بستحي
و بخليها اتسويلي خفيف بحيث انه ما يبين
و فعلا ~ غاده سوتلي كيف ابااا
و كنت وآآآآآآآآآآآيد مقتنعه
و مآ حسيت بالجزوزيه هههههه
كنت شاريه انا البودره و كريم الاساس و كل شي
و اللي خذته من النوع لي مآ يبين انه محطوط الا اذا حد قريب

فقط للمشآركه ويمكن حد يبآ هههه



رغم أني أول مره استعمل هالاشياء ،،
قبل لا أخذ سألت ~ و قآلولي هآ زين و بالموآصفآت لي ابـآهن
و من تجربتيه فـ حفلتيه المنزليه

 - خفيف مب ثقيل على البشره
- ما يغمق و لا يفتح لون البشره يعطي اللون الطبيعي
- مثل ما قلت مآ يبين اني حآطه الا للاشخاص القراب
- يحتوي على وآقي للشمس ~ و يتم ما يخترب

خذته من اريج لي فـ كارفور اسم المآركه
Guerlain - قرلين

حبيته صدق ههههه
عاد اصلا اول ما قلت بشتريه
كنت اسوي تزهيبآت و ترتيبآت للموضوع
و لازم اقول لامايه و اهيئهآ و اقنعها اني بآخذ خخخخ
بغض النظر عن شو قلت لاقنآعهآ
بس تراها لين اليوم هب مقتنعه
و لا قالت برايج خذي
بس سكتت و سارت ويآيه هههههههه
و خذت ~ فديتهااا

بس ما زلت 
مقتنعه بأنه أهم شي رسمة العين و الجحال هو أهم شي و احلى شي
ماله داعي التخبيصات الثانيه
مجرد أنه الكحال كآن بسيط و حلو خلاص

و الله يوم الوحده ترسم عينها بس و جيه
و حتى لو مب حاطه شي على ويهها يتحرونها حاطه بسبت طريقة تكحيلها

عاد التكحيله الاف فوريه يوم يشوفونا
يتحرونا حاطات شي ع ويونها
بسبت شوه؟
مكحلات عيونآ و عند المدمع انحط الذهبي ~ هآ حصري للاف فور هههه

فيه بي سي وصلني
يطنزون على البنات و المكيآج
عقب قالو انه لو وحده قالت ما قد فـ حياتها حطت ميكآج هاي جذابه !
احيد اني نقمت هـ البي سي
هم شدرآهم بـ بنآت العآلم؟؟
ليش يجمعون؟
انزين و هآذيلا لي فافريقيآ ما ادري قبائل شو
لبس ما يلبسون لين يحطون مكيآج
و اذا بنرمس عن الشعوب المتطوره
فيه حد ما حط
انا وحده منهم لين سنة 2011 ههههه
كانت البدايه !!
و الاجمالي 3 مرات حاطه ~ و ياليته يعتبر مكياج هههه
اوني يعني ~ ريحة مكيآج


فالنهايه دايما و ابدآ الطبيعي احلى ]