.




.

"مهرجآن أبوظبي للعلوم"
Second weekend / Part 2



اليمعه 25 - 11 - 2011م

اليـوم مآ قبل الأخير
جامعتنـآ مخلينـآ اندآوم ايـآم الويك اندز + الصبح > البنـآت.
فـ هاليـوم سرحنـآ بوظبي
امآيه، اخويه، حمد ولد خالي و انا
اتأخرنـآ لين نسرح لانه اليمعه والعرب مآ اتفجج مآ شاء الله
فـ النهآيه قررت أنزل
كـآن ريـآل عآمري شيبه ،، صديق العآيله ،، و صديق بويه
نزلت جدامي اخويه وورآيه ولد خآلي بعكآزآته > الله يشـآفيه يـآربيه
سرت سلمت على بويه ورديت سلمت على امهآتيه وعقب قعدت
وكلنـآ فـ الصـآله خخخ > استحيت ما ادري احس غير >_<

عقب سرحنـآ بوظبي
الجووو كـآن طررر ،، غرآآآم ،، قمّـه فـ الجمـآل مآ شاء الله
حتى يحز فـ خاطر الوآحد انه يسير ويخلي هـ الجو خخخ

سرحـنآ وفـ الدرب طمآشه وضحك وعآد حمد وسوآلفه هههههه
خطفنآ وخذنآ ريوق

وصلنـآ بوظبي وكانت السما زرقا ههههه
سرنآ صوب الفندق، اخويه كان متصل بهم وحاجز
نزل رتب كل شي وو عقب دخلنا نحن وو رتبنـآ اوضآعنـآ
هم سآرو يصلون فـ المسيد ونحن صلينـآ فـ الفندق
عقب يوو واتغدينآ > انا اتغديت بسرعه
ووو بسرعه اتزهبت وشليت الفست مـآلي ووو سرنـآ صوب أرض المعآرض
المشرفه [ مشرفة جامعتنآ ] تمت تتصل بيه كم مره وكل مره يقولون يتخبرون عنيه
باترينا كانت تتخبر واتحاتي هههههه حليلهآ
نزلوني وحمد تم يعلق عليّه وانا لابسه الفست ههههههه [ الستره، او شبه الجاكيت ]
وانا داخله شفت سعيد ولد سيف هناك، ياي رحله مع المدرسه، خطفت بسرعه الصراحه ما سرت صوبه، كنت مستعيله، بس صدق قلت ليتني لحقت عليهم. اتصلت بـ المشرفه، وو سرت حطولي فـ ايدي حيل خخخ، سلمت على باترينا وتمت محتشره عليه واتقول احاتيج وما ادري شوه، اضّحك هالانسـآنه ههههههه، سرت داخل سلمت على البنات وو قعدنا كـ العاده تيم ميتنق مع الليدرز.

[ مآ أدري شو يـآني، حسيت اني نسيت الاحدآث ×_×" ]

فـ هاليوم،
كـآن فيه نقص فـ الـ سآينس كوميونيكيترز "نحن طلاب الجامعه يعني"
مآ ادري بس شي مستوي > الجامعات الثانيه اقصد.
ومـآ يوو فـ صار نقص فـ بعض الورش، نحن الحمدلله ورشتنـآ كـآمله لآ وبنآت زيآده، بنات تقنيه بوظبي اللي الشفت مآلهن ايام الاسبوع حد منهن ين اليمعه لانهن كآنن مضيعات بعض الايام أو يمكن من الحماس ين ههههه.
نحن مشتركين مع ورشة "الوركشوب" مـآلت الـ DNA Detectives فــ نفس الاستور.
هم يرآنـآ من ورى، هالورشه كلها بنآت، مآ كان عندهم الا بنت وحده > نقص عندهم
قـآلت لنـآ فـآلري منوه تبا اتسير، نحن الحمدلله قروبنآ متعـآون لاقصى حد الحمدلله =)
يعني كنـآ مره فـ ورشتنآ ومره فـ الورشه الثـآنيه،
انا يوم سرت لقيتهآ بروحها البنت هناك حليلها، اتعرفت عليها ويني التيم ليدرز لي هناك
حلييلهن صدق حبوبآت، و مرحآت > أكثر عن التيم ليدرز لي فـ ورشتيه خخخخ. خليت البنت تشرحليه شو وكيف، كـآن ممتع هنآك، كنّـآ نتنقل بين مآلهم ومـآلنـآ، مره هنيه ومره هنـآك خخخ
يعني مثلا اللي البارت مـآلهآ خلص اتسير عند قوم تحري الحمض وو جيه يعني. حلووو كااان
صدق شغل × شغل، مآ شي وقت امره نستريح هههههه >> اصلا نحن ما نبا نستريح من المتعه والحمـآس =). وووو تمينـآ بزي طوووول اليوم لين خلص الشفت مـآلنـآ.
شليت شنطتيه وسرت صوب مآل اليهـآل وين سآره > مآ شفتها اليوم
سلمت عليهـآ ووو خذنـآ جوله فـ المكـآن ووو طلعنـآ، مآ وحاليه وانه هليه خاري، سيده طلعت وركبت عندهم وردينآ الفندق، صليت المغرب، قعدنا سوآلف وضحك ومغآيض، صلينا العشآ وسرنـآ انحوط فـ بوظبي، تمييييييييت محتشره ابا وآيت موكـآ > لانها كم مره خطفنا من عدال ستاربكس واخويه هو لي يقول طبوعه ما تبين؟ ههههههه وو جآن يخطفنـآ، تميت محتشره الا انزل ويـآه، مآ قد طحت ستآربكس بريولي فـ حيآتي خخخخ، عاد نزلت وكانت اول مره كآن فاضي بس زلمات وحرمات قاعدين، طلبنا وتميت اتلذذ بـ شرب الوآيت موكا ونحن انحوط فـ شوآرع بوظبي، عقـــــب خطفنا خذنآ عشااا ووو ردينا الفندق اتعشينا، استهبلنـآ واللي على الابتوب واللي يطالع التلفزيون واللي سار يرقد > امايه.
سرت ارقد وتموو اخويه وحمد سهرانين ونحن قلنآلهم رقدوو ورآكم نشّه خخ.

وووو ما اذكر شو حلمت، أو يمكن ما حلمت شي هههههه

>> كـآن حلوو هاليوم، يمكن مب بآين وآآيد فـ البوست لانه ما بين كل ساعه وساعه، وسط دقايقها وثوآنيها تفاصيل جدا دقيقه لم تذكر هنيه فـ البوست، كان يوم وآآآيد حلووو موآقف وناس واحداث بتم فـ ذآكرتيه مآ حبيت نتكتب هنيه =).