"مهرجآن أبوظبي للعلوم"
Second weekend / Part 3
فيه صور يبالهن تعديل، عقب ان شاء الله
بس بحط الصور لي اوريدي هم حآطينهآ =)
السبت 26 - 11 - 2011م
آخـــــر يـــــــوم لـ مهرجآن العلوم
آخـــــر يـــــــوم لـ مهرجآن العلوم
يوم التكريم، وقـآلولنآ انه السـآعه 10 ونص لازم انكون هنـآك
عشآن جيه لازم انّش من وقت > الحمدلله اني بآيته فـ بوظبي خخخ
نشيت الصّبح، اتسبحت واتزهبت وشربت جآهي حليب مسويتنه لنآ امآيه فديتها =).
امايه واخويه سارو وتمينا انا وحمد، هو فـ الصاله يطالع فلم ومآغط ريله المكسوره
وانا احوط من الحجره لين الصاله اطالع شويه ويآه الفلم > انقهرت صراحه من الفلم [ مهمى كان هذا فلم اماراتي والمفروض ما ادري ]. الحمدلله!
يووو و نزلت مع اخويه وسرنآ صوب أرض المعآرض
نزلنيه وسـآر يعّله فـ حفظ الله الغـآلي.
وسرت صوب قاعة المعاريس > هناك حفل التكريم بيكون، اتلاقيت مع الافّور واخت هكونا و ساره وتمينا قاعدات على الكرآسي لي هنآك، شوي شوي يزيد العدد، لين استوى شبه زحمه من المسؤولين والمنظمين وطلاب وطالبات الجامعات =).
وووو بعدين بدا التصوير الجماعي لكـل جامعه مع الاستآند مال مهرجان العلوم
هههههههههه عاد هنيه استوت الطماشه !
اول شي صورو جامعة بوظبي اضنيه، طبعا البنات والاولاد رباعه والمسؤولين مع الاستآند
عقب يا دور جامعتنا نحن ثاني حد
انا سرت جدام عسب اصور خخخ > ما اتصورت طبعا عندهم
طبعا لين يوقفون البنات والاولآد، [ كان هناك هيوم > مال جامعتنآ، وو محمد النعيمي > بعد المسؤول ] وما ادري منوه بعد موجود، كانو يصورونهم وانا صورت بعد > ما لحقت اصور صوره عدله
طبعا اول مآ خلصو الصوره الجماعيه كل حد تم يصفق وبقووووه بعد
عقب بدو شباب جامعتنا والبنآت كلهم يقولون UAEU
شلوو البقعه شلل وردوو صفقو وكل حد يصفق ويآهم هههههههه > صراحه ربشنا البقعه بقّوووه
انا بس كنت اضحك لانه خطيره الحركه، لو انه كان يفضل انه البنات مآ يقولن خص انه ريايل بس ما ادري كيفهم خخخ. المهم ارتبشت البقعه بسبت جامعتنآ
عقب الجامعات الثآنيه وصفقو بس مب مثلنآ وما سوو مثلنـآ
عقب الصور الجماعيه والضحك والحشره، فـ اثناء ما يتصورون مثلا كل جامعه الباقين اللي يرمس واللي يتصورون بروحهم وجيه تموو
طماشه كان حلوووو
ونحن الاف فور واخت هكونا وساره بروحنـآ عالم هههههه !
* بحط الصوره لي صورتهآ عقب ^_^ *
هههههههههه عاد هنيه استوت الطماشه !
اول شي صورو جامعة بوظبي اضنيه، طبعا البنات والاولاد رباعه والمسؤولين مع الاستآند
عقب يا دور جامعتنا نحن ثاني حد
انا سرت جدام عسب اصور خخخ > ما اتصورت طبعا عندهم
طبعا لين يوقفون البنات والاولآد، [ كان هناك هيوم > مال جامعتنآ، وو محمد النعيمي > بعد المسؤول ] وما ادري منوه بعد موجود، كانو يصورونهم وانا صورت بعد > ما لحقت اصور صوره عدله
طبعا اول مآ خلصو الصوره الجماعيه كل حد تم يصفق وبقووووه بعد
عقب بدو شباب جامعتنا والبنآت كلهم يقولون UAEU
شلوو البقعه شلل وردوو صفقو وكل حد يصفق ويآهم هههههههه > صراحه ربشنا البقعه بقّوووه
انا بس كنت اضحك لانه خطيره الحركه، لو انه كان يفضل انه البنات مآ يقولن خص انه ريايل بس ما ادري كيفهم خخخ. المهم ارتبشت البقعه بسبت جامعتنآ
عقب الجامعات الثآنيه وصفقو بس مب مثلنآ وما سوو مثلنـآ
عقب الصور الجماعيه والضحك والحشره، فـ اثناء ما يتصورون مثلا كل جامعه الباقين اللي يرمس واللي يتصورون بروحهم وجيه تموو
طماشه كان حلوووو
ونحن الاف فور واخت هكونا وساره بروحنـآ عالم هههههه !
* بحط الصوره لي صورتهآ عقب ^_^ *
كانت اجوآآء جدآ رآئعه
عقب بدو يدخلون العرب القـآعه دآخل
دخلنـآ وقعدنا بعيد، كآن ودنـآ جدام بس مآ قعدنا زحمه
قعدنا وبدى الحفل، كانوو يرمسووون، و مغير الخيلي رمس بعد وو خلاف رآوونآ فيديو
عيبني صدق، هو كـآن أحلى شششششي، يااااااالله ليت عندي نسخه منه >_< !
كانو حاطين قبل الفيستفال، يوم كانو فـ كليتنآ بس مب حاطين صور البنات وهم يدربونهن
اصلا ما صوروو، حطو صور الشباب يوم كانو فـ مسرح كليتنا ويدربونهم، عقب بدو يحطون صور احداث الافنت وما ادري شووه واكثر شي كانن صور ادنيك > وين انا خخخخخ
وكل ما حد يشوف عمره يصفقون ويصارخون هههههههه > يضحكون
عقب كلمة احد الطلاب من كل جامعه،
ويوم يت البنت بترمس > من جامعتنآ يت مروه مصريه اتوقع، خطفت على كل طاولات البنات والشباب اللي من جامعتنا اتقولهم صفقو بقوه وقولو اسم جامعتنا
كان فيه زماط بين جامعتنا وجامعة بوظبي
حتى الانقليز ههههههههههههههه دخلين عرض ويا جامعتنا عل حد قال اسم جامعتنا وياااهم
ويصفرون ويصارخون > يضحكون الانقليز
طبعا نحن نطمش ونضحك ونحن ساكتين
هنـآ عشان اتشوفون صور الحفل > من تصويرهم =)
الصوره رقم 2 هي الصوره الجماعيه لطلاب وطالبات جامعتنآ
عقب الحفل كان فـ نفس القاعه الاكل كان > نحن ما كلنآ اصلا كيف كلهم ربآعه؟!!!
ما يصيـــــــــر !!!!
حد كان عادي عنده اتوقع >_< !!
نحن كنا بس مكتفين بـ التصوير
كنت ابا اصور قوم هكونا، شوي يتني وحده من البنآت مسكتنيه من خصري
> انا ماااااااااااااااا احب هـ الحركه، وجدام الريايل بعد >_<
هي كانت ورآيه مغطيه بتكون، المهم دزتني وتمت اتمشيني، ما قدرت اقول شي
فضيحه جدام العرب، مشيت و سرت عسب اصور طآلب من طلاب جامعتنا وهندسه بعد
حلييييييييييييييييييييله والله ما ادري بس، هـ الناس لي الوآحد يفخر يوم يشوفهم
يعني مهمى كان اصر وكمل دراسه و فـ جامعتنآ وووو هندسه بعد !!
اللــــــــــــــــــــــــــه يوفقه
كان كل حد مهتم فيه لانه صدق ما ادري حلييييييييله
* بحط صورته عقب *
عقب ظهرنآ خآري ومحد كان غيرنا ههههه
وخذنآ رآحتنآ واتصورنآ ووقفنآ عند الاستآند وسوينآ حركات غبيه
ليييييين خلص الوقت سرنآ انصلي الظهر، مسكت قوم هكونا وحوطتهن فـ مـآلنآ
لانه كان خاطرها اتحوط فيه
بالعاده استحي ادخل الوركشوبز الثانيه
بس هـ المره مآ ادري كنت مستقويه هههههههههه،
يمكن حسيت انه البقعه بقعتيه ع قولت هكونا وانا المسؤوله احوطهن هناك خخ
وما خليت بقعه ما دخلتها
ورآوية هكونا شو اكثر شي عيبنيه عقب سارن الكورنيش
وانا رديت عند الوركشوب مالتيه كان كل حد يتخبر عنيه هناك خخخخ
تمينآ وكان الشغل شوي أكثر !!
كـآن ممتع
وكل قروب يدخل تستوي وياه قصه غير
ههههههههه
فـ هاليوم لبسنآ فـآلري عباه ههههههه
ولبسنآ تيري كندوره وسفره وخزآم > كان شكله توووحه ههههههه
*بحط الصور*
طبعا وآدعنا كل حد، سلمنآ على كل حد
حتى التيم ليدرز حليييلهم، ووو كتبلولي شي هم الـ2
حليييييييييييلهم
انا ما حبيت اني اعيش لحظآت آخر شي
يعني كنت عادي كأنه بعدنا شي الاسبوع الياي
بس هو مآ شي وهذآ هو آخر يوم
فـي اماكن كان خاطريه اسيرهآ واشوف
سرت عند ساره وقلت لها يلا خلصنآ الحينه بنحوط فـ كل بقعه قبل لا انسير
سـآره اكبر عني بـ ست شهور خخخخ
ما خلينآ بقعه مآ سرنآ
وانا تمت اصلا فـ خاطريه مآلت غرفة الطوآريء
انا اتحرا بس اولاد هناك، ثره اولاد وبنآت بس كلن بروحه يعني
واحسهم كلهم اصغر عني خخخخخ
يعني اذا سرت عادي >_< > اقصد اكون فـ هالوروكشوب
والله اتجننننننننننن كاااانت
سرنآ انا وساره
وو جان اقول للبنت لي هناك ابا ادخل اشوف كيف اتسوون
قالت صبري انرتب المكان، سرنآ نبا نحضر عرض فـ هالاثنآء
حلو الشعور انه الوآحد يدخل عرض بينمآ كل حد وآقف يتريا فـ الدور هههههههه
خطير دخلنآ وشفنآ شويه من العرض وطلعنآ ردينآ صوب غرفة الطوآريء
ساره طلعت اخس عني فـ المستحى،
يعني انا استحي بس يمكن لاني حسيت اني اكبر عنهم ههههه
يوم سرت ما لقيت البنات شفت الاولآد
يضحكون، قآعدين وحد منسدح ما ادري كيف ويتصورون
التيم ليدر اتصورهم، تميت صراحه اضحك على المشهد
الحمدلله منقبه محد درابي اضحك اصيح معصبه عادي خخخخخخ
عقب هـآ اللي شبه منسدح يـآنـآ
هههههه يضحك بس طبعا ما ببين اني اضحك خخخ
اوني عاد قويه وجاده، ومناك ابا اضحك وفـ نفس الوقت شبه مستحيه
واصلا ماااااااااا احب ارمس الاولاد صدق !! حتى لو اصغر عني بمآ ادري كم
لفيت على ساره قلت لها قوليله
وهي مستحيه هههههههه قالت له نبا بنت > تم يضحك علينآ اونه نبا بنت
مسك النفآخه لي فـ ايده وجنه بيكفخنآ على عيونـآ بهـآ
مسكينه ساره اتروعت ورفعت ايدها اتغطي كـ حركه لا ارآديه،
هو مآ كان عدالنآ كـآن وآقف على باب مـآلهم وفيه مثل حـآجز حبل > اونه باب
تم يضحك قـآل ليش متروعآت
قهرني !! سكت عنه، اصغر عنـآ مآ بلومه
والله حسيت اني عيوووووووز هناك
اصلا امممم، ما ادري حسيت انه هو جيه يعني مب قصده حليله
المهم يت التيم ليدر ودخلتنآ ووو تمت البنت عندنـآ اتخبرنآ وجيه
غرمت صراحه وآآآآآآآيد حلوووو يحظهم صدق خخخ
عقب يانا هـ المقلوع، محتشر اونه يلا بسكن بيبدا العرض مالنآ
انا مب بطبعي ارفع عيني اتم اطـآلع ريال > بشكل عام
لكن هووو رفعت عيني وتميت نآقمتنه
ههههههههههه اتروع سكت وسار
والله !! ياخي لازم يحترم لي اكبر عنه >_<
حليله هههههه
مسويه فولو حق مآل مهرجآن العلوم، وكانو مسوين ريتويت لصوره
يوم شفتها تميت اضحك هههههههه
هنـآ عشان اتشوفونها
اللي عنده نفآخه صفرا هووو الصبي لي اطريه هههههه
اتوقع انهم اول سنه جامعه
فرق 5 سنين بينا، يعني عادي طاف =)
واللي عنده نفاخه عينآويه يضحكنيه، كل ما اخطف مناك ما ادري هو ما يسوي حركات
بس اتعرفون العرب لي اتكون جيه عفويا اضحك؟ هو مب قصده فـ حاله مسكين
بس يسببلي نوبة ضحك > ولحد درابي خخخ
خلاف سرنآ وحضرنآ مال الروبوت اسيموو
ههههههههههه يضضضحك، كيووووت
كنت بقولهم احم هذآ آي تي خخخخ
طبعا طفرت بـ ساره انه هآآ مآل الاي تي > دوم ضرابه الهندسه والاي تي ههههه
طلعنآ انكمل حوآطه
كان خاطريه احضر عرض البابلز بس للاسف هليه يووو وما خلوني اتم اكثر هناك
يمدحوومه كل حد متخبل عليييه بالقوووو، كااااااان ودي صدق صدق بسس
الحمدلله =)
ع فكره اتوقع كل حد اصغر عنآ هناك
الا البنآت فيه كمن وحده، وآيدات مب كمن وحده ههههه كبرنآ
عسب جيه كنت احس انه ما ادري عادي
ووو صح من كلية الاي تي فـ جامعة الامارات نحن الـاف فور الوحيدات المشآركآت
ع فكرة
صدقـــــــــــــــــــآآآ !!
استآنست على بنات ادنيك اللي شفتهن يعني
ما حسيت انهن ما ادري كيف بـ العكس كـآنن مندمجات مع شغلهن ومستآنسآت
حتى الشباب، مب انهم مثلا بيسوون حركات، حسيتهم ونعم ومندمجين فـ شغلهم من خااطرهم
واللي سوآني، مثل مآ قلت سآبقـآ، نحن البنآت امبونـآ مآ فينـآ حيله ههههههه صدق
اما اني اشوف شباب مآ شاء الله مب مستسخفين الشي وبالعكس مستآنسين ومن خاطرهم هآ شي يفرح =).
الحمدلله كـآنت الاوضاع عندنآ فـ أرض المعارض أكثر من رااااااااائعه واوكيه ومريحه بعد
الحمممممممممممممممممممدلله =)
عن نفسي صدق حسيت عمريه متغيره
يعني ما ادري وآآيد اشياء احسها اتغيرت ههههههه
اخاف السّن يلعب دور خخخخخ
والله من كبريه انا؟!! غصب اخلي عمريه عيووز خخخخخ
تفآصيل وآآآآآآآآآآآآآآآآآآيده واحداااث ومواقف وعبط واحراجات وضحكـآت حدثت فـ هذآ اليوم
لم ولن انسـآهن
فعلآ من أروع الايـآم
و فعلآ كان من أروع الافنتآت لي شآركنآ فيهآ
الحمدلله ياااااااااارب، مستآآآآآنسه اني كنت جزء من هالمهرجآن
واذا فيه فرصه اني اشارك السنه اليايه مآ بتردد ابدااا بإذن الله
حرآآآم والله كااان حلوووووووووووووووووو
مره دخلت البحث مآل مهرجان العلوم > فـ التويتر
وشفت ردود المشآركين "السآينس كوميونيكيترز"
كلهم يمدحووون وكل حد مشتآق لايآمه هنـآآآك
مآآ ينلآمون صرآحه =)
بحط الصور عقب ^_^
