بعد مآ اتغديت، قعدت شويه على الاب توب
يت أمآيه عندي الحجره
أمآيه: بتسيرين؟
انـآ: وين؟
أمـآيه: شمـآل
انـآ: خويه بيودينآ؟
امـآيه: لا فيآ خآلتج تبا اتسير ادوّر عرآيين
انـآ: امممم مـآ بسير
امآيه: شو عندج؟ ظهري بتّـفريين شويه
انـآ: عندي شغل حق الجامعه
امآيه: بتسيرين انقفضي اتمسحي، مآ بتسير برآيج
تميت اتشآور واتشـآور وافكر اسير والا لااا
يوم شفت امـآيه قدهآ خلاص بتسير قلت لهآ بسير صبري هههه
بسرعه اتمسحت الله يعزكم وبدلت ثيابيه ويبت الكام وبندت الابتوب وهم يتصلون محتشرين
هو الصراحه صدقهم (يوم شآفت هلهآ بيضعنون قآلت قومو يوزوني ريل)< المثل صابنا اليوم.
و فـ الدرب
هههههههه سومـآ، بشكآره سيلآنيه وين يسيرون يودونهآ
عيوووز، فآطر عقولت أحمد خخخ
"النآقه الكبيره فـ السّن يسمونهآ فآطر ههههه"
حليلهآ فنــــــــــــآآآآنه غير عن بآقي البشكآرآت
تمت محتشره: "مـآمـــآ شو هيداا انا مآ يسمع"
خآلتيه طماشه، سآرت وطولت على المسجل
ذنيه انصمخت، كآن فآضل المزروعي يغني وخلآف حربيه، وسومآ طربآنه يعيبهآ
انا مآآآآ أحب يوم جيه يكون الصوت، لو حد يخطف عدالنا بيسمع يمكن >_<
ضحكوني، خلاف قصرت خآلوه تتخبرهآ جآنها تسمع هههههههه
سومـآ هـآي هههههههههه مـآآآ فيهآ حيله
الشيخه عليآ بنت سعيد [ السّميه ]
مآ اتخلي حد يصور >_< ،، كل مآ ابا اصور خشت ايدها
هزبتهآ ههههه
علووووش، شو رآيكم فـ الكندوره؟
مآ شاااء الله لو سمحتوو
سرنآ صوب المدآم، وخطفنآ على هالمنآطق، اشترينآ م الدكـآن نزلنآ انصلي العصر وقعدنآ شوي وردينآ العين. الله يهديهآ علوش خدمتنآ خدمه فـ السيآره !! امبونهآ ورى وتمت هي واخوهآ مطر حك صك، والسيآفي يوييلي بيجتلنيه هالصبي ميلس جدآمي ومستحي يونه، يوم محد يشوفه يرمسنيه عآدي، هو يستحي من الموجودين بس مني انا لا ههههه. بموووت عليه احبه وآآآيد، خطر عليه اجتله هههههه. ونحن فـ الدرب مآ وعيت غير بحد من ورى يقبض رآسي ويحبنيه على خدي اليسار < الغيّآره عليآ هههههه، اسميهآ اتغآآر !! تبآ تدلع عليه، البنات مآ يندز لهن ويه ترا ههههه. حبوبيني انااا.
الصور بالترتيب
