.




NMD diaries



صبـآح الخير | مسـآء السعـآده
               >> جداً جداً متحمسه أني أكتب ~ اللهم لك الحمد هههههه



بعيداً عن النص؛ 
قبل كـل شي ~ حيـآة الشغل تمـآماً غير ، شعور آخر ، كل شي يديد و غييييير
مدري كيف أقول ~ ووو بيني و بيني : في البدآيآت كنت أبدا مب رآضيه على موضوع أني *موظفه* لووو أنه بعد سنتين بكون رسمياً موظفه حـآليا انا متدربه :"). يعني الشعور أني طآلبه أحلى بوآآآآيد ، و غير دلع خخخخخ ~ عآد طالبه و دلع !! يعني ،الوآحد يحس بالاهتمام يمكن أكثر؟ و أنه المسؤوليه تقتصر فقط فقط فقط على الدرآسه مع أشياء آخرى بس قد تكون أبسط. على عكس الحين. أحس وآآآآيد اشيآء تغيرت ، و وآآآيد نظرآت اتغيرت و كل شي كل شي انقلب رأساً على عقب. مدري ههههه احس زحمة كلام و مشـآعر تخص هالشي ما اعرف كيف اكتبه و أحسني خلطت حنينهآ مع رغآهآ. بس يعني ، بديت أتأقلم مع موضوع أني خلـآص "كبرنآ" . و بديت أحب الشعور أكثر . لدرجة أحس كل حد أصغر عني >_< ~ رغم اعتقادي أني أصغر حد *فيس مستحي*  خخخخخ



NMD dairies
على أساس أحط صور و جيه ، بس عقب اتعـآيزت خخخخ ~ هذآ و يوني متقطعه م الحمآس ههههه
مآ عليه عقب إن شاء الله *مآ أوعد* بس احتمال احط صور في هالبوست او او او فالبوست اليديد لي مآآآآ ادري متى. ع العموم ~ اممم المكـآن لي انا فيه ، بعيد كل البعد عن مجـآل درآستيه و تخصصيه ، و بالرغم من اني في قسم الاسكآدآ ، شعبة السوفت وير ، إلآ انه لآ يمت للأي تي بصله ، قد تكون ريحه بس ههههه. و الصدق ! أحسني بديت أحب الكهربه لووول ، ممتع الموضوع ، خطير و مهم و كل شي ، هو انا مآ يخصني حتى شغلي كله بيكون ع السستم بس مآ ادري جميل ~ مب أجمل عن الآي تي لوول. امممم ، بس حلوو و الأحلى هي زيآرة المحطآت و جيه. و عن نفسي ابا استغل هالفتره التدريبيه لأنه عقب بيكون روتين عادي و مجابل سستم و جيه ، انا بحاول ذاك اليوم يوم بيمسكوني الشغل اني ما اخليه روتيني خخخخ إن شااااء الله يعني. 5 شهور تقريبا الحين؟ أحس وآآآيد احدآث حتى ما اعرف اكتب عن شو و الا شو ههههه.  وووو ع فكره مآ زلت اتأرجح ع الحبل ، اموري غير مستتبه سوآء ( الشغل او الخجل ) ، يمكن قبل عادي لانه كنآ طآلبات وكلنآ بنآت ويوم بروح عند دكتور او شي انكون جيه بنآت ، و حتى ايام التدريب ما اكون بروحي ، على عكس هنيه ، كلن نفسي نفسي. مآ عليه عقولت وحده من المهندسآت (( بعدج يديده عآدي )) ههههههه.

يوعانه ما اروم اكمل لوووول ~ البوست اليـآي بيكون صور ان شاء الله =)