.




الوعد . . .



 
مَآلك رجآ يـآ قَلْب فيهم؛ و لـآ لي
                            حِيله على نسْيـآنهُم لو تنآسيت


ههههه
هو جيه ~ وو مآ برد اقول شو اللي هو جيه
بيستوي الموضوع ممل من كثر الاعاده و الزياده فيه




ع العموم
وعدت أني أكتب عن المقابلآت
بكتب بس عن وحده ~ الباقي أحتفظ فيه لنفسي =)



إذا بنطري بوظبي
فـ لآزم احط تحتهآ خط أحمر بالعريض !
دلآله على (ممنوووع مآ تطلع حدود الامارات، أأأأأ أقصد ممنوع ما تطلع من حدود العين)
أحس من فرقآك في خآفقي روع، يـآ سيدي من عقبكم كيف ببآت ♪♩♫
ههههههه



رغم أنه كلللللللل و أكثر و أعظم الفرص متوفره ف العـآصمه
و أحس معنى الآي تي الحقيقي هنآك ~ هب فالعين !!!
آآآه يَ العين [ خلوووونيه سـآكته لأنه فيّه غصّه ع العين و حآلهآ ]



مآ انكر أنّه يتنيه أكثر عن فرصه ف بوظبي
 آآآآه يَ القهر
نو كوووومنت

أقولهآ بصريح العباره، لو ودّي ما برفض
يعني الرفض كان هب م الخاطر، من وراه و بوز شبرين جدام هههههه
و لكن لجل عين تكرم ألف عين
و اللي يقهر أنه امم  هو ما يقهر وآآيد، شوي بس ~ يـآ ليت الأشخآص اللي فعلا لهم الحق هم اللي يبدون رآيهم بس
انا من الصوبين [ من صوب أمايه و بويه ]
أقصد تمتد على نطاق أوسع بعد
أحس كل حد متحكم؛ كل حد كل حد كل حد
عدد الأفراد أكثر ~ و الله أعتقد انا الوحيده لي كل حد يحس أنه مسؤول عنيه
يمكن حز ف خآطريه انه محد فكّر انا انا شو ابا!! او وين اشوف عمريه
محد راعا مشاعريه، سنوات دراستيه، كل حد [ مب كل حد، باستثناء كمن حد طبعا و منهم امايه و خويه هههه فديتهم و الله ] استهان بشو يعني آي تي ~ و عادي بالنسبه لهم لو ما اشتغل ف شي يخصه !
و حد لدرجة انه؛ ما يحتاي تشتغل ~ نعم؟؟!! خير !!

ليش ما فرضو هالقيود على غيريه؟ ليش انا بالذآت ~ ليش هالعدد الكبير من الافراد؟
أدري و الله أعرف [ انا غير، اعرف لأنيه غاليه، أعرف اعرف اعرف ]


بس عادي؛
الأمور طيبه؛ و يحضيه أصلا انه ككللللل حد مهتم فيّه
صدق أني مميزه *فيس مستحي*
يـآآآآآلله مغلاني عندهم هههههه ~ اللهم لك الحمد يـآآآآرب
الله يزيد و يبـآرك



يتنيه فرصه فـ بوظبي
قـآلوليه شي امتحآن + مقابله على يومين
سرت عند اميه و خبرتهآ، و قلت لهآ امآيه ابا اسير المقابله
صح أني ما بشتغل بس بسير!
وآفقت ~ خبرت خويه و مآ عارض
فديته حـآول يرتب وضعه عشان ايني من بوظبي و يشلنيه

نهآر الاربعا سرحنـآ بوظبي
و انا كنت مطرشه ايميل لـ ساره (المسؤوله فالاتش آر ) أعتذر أني بتأخر لظروف
حسيتها استآآنست عليه هههه ما ادري
هويرنآ الظهر و وصلت و خليت اخويه ينزل عنديه ~ و الله جني يـآهل و ولي أمريه يوصلني الروضه خخخخ، جيه حسيت عمريه ههههه
ما ادري بس جيه استحي ترانيه، و ما احب بروحي
خلصت و ردينآ العين، بالبـآجر سرحنآ بوظبي
المفروض أكون السآعه 9 هناك ~ بس هالطبع مآ بيخوز شكله!!
وصلت متأخر شوي
و طبعا نزّلت اخويه ويايه ههههه
وصلنيه فوق و سـآر عقب دوآمه
دخلتنيه خلود غرفة الميتنق ~ كانن بنآت قبليه و وآحد يشرح عن الشركه
انحرجت صدق! كل حد شآد حيله الا انا يـآيه متأخر
قالتلهم: هآي الطبع يت، و صبحو عليّه
يَ الفضيحه غيير مب حلو جيه، عاد اعتذرت، حليله ها لي يشرح [ علي اضني اسمه؟]
قال [ بعيد بسرعه عشان الطبع الحشيم ]

هههههههه
حفله! خلود احتشرت الا اقعد معاهم: تقصد مع البنات ع الطآوله
يعني هي طاوله كبيره و حولهآ كراسي
بس انا استسهلت الوضع و قعدت شوي بعيد خص اني يايه متأخر و الريال يالس يعيد عشانيه
نشيت برد الكرسي ع ورى ما طاع ناشب فالطآوله
قلت هآ ما طاع برآيه و رديت اقعد
جآن يقوليه: الطبع شكلج ما اتريقتي، انا الصدق ما استوعبت هو شو يقول هههه
ما فهمت شو يخص الريوق فـ الموضوع
كان ردت فعليه [ هاه؟ ] طبعا بملامح ويهي مب قولا خخخ
اتخيل اقول ها؟ ههههه
قلت ف خاطريه يبين على شكليّه اني تعبآنه؟ او يمكن لاني هب متجحله ف يبين أكثر ~ رغم انه ما يخصه -_-
بسرعه استوعبت عقب التفكير الدآخلي هذاك، انه يقصد لاني هب متريقه ما فيّه قوّه هههه
وحده من البنات سحبتليه الكرسي، و قعدت
عقب ما خلص شرح، اللي سأل و اللي ما سأل
لف عليّه و قال: الطبع عندج سؤال، ابتسمت و قلت لآ

عقب سرنا بقعه غير قعدونا و لي يبا يتريق وجيه يعني بروحنا البنات
و بالدّور يزقرون عشان المقابله
انا كنت حاطه ف بـآليه انه بيكون كله حريم يمكن من الاسماء لي شفتها
و كنت مستانسه من هالموضوع [ اصلا استحي انا من الحرمآت كيف من الريـآييل؟ خص المواطنين، يمكن لانّـآ من نفس البيئه و التفكير والعادات، ف غير يعني ]

كان فيّه حفوووز مب طبيعي ~ صدق صدق و فكرت اكنسل موضوع المقابله هههه
يووووم يـآ دوريه و سمعت ساره تزقرنيه
قبل لا ندخل قلت لهآ لحظه بتحجب عدل هههه؛ ضحكت ما ادري كل ما اقول شي العرب تضحك >_< !!! ~ و خلاف قلت لهآ شي
ضحكت عليه و تمت اترمسنيه و جيه
عقب دخلت نفس الروووم
و عكس كل توقعاتيه، كلها رياييل، الروم تراها صغيره
6 و كلهم مواطنين، و ساره وياهم؛ السابعه، و وآحد منهم لي مجابلنيه هو نفسه كان فالبرزنتيشن يكتب
آآآه ادري انه حفظنيه و اكيد كتب اني متاخره >_<! و هو كآن يرأس المقابله

لا اتخبرون، أعتقد أني اسرع وحده سووليه مقابله، و اكثر وحده هلكو عليّه م الضحك
و أكثر وحده غضنو منيّه
جيه حسيت

ههههههههههههههههه
آآآه آآآآه ادري ما يبين عليّه أني مرتبكه كثر ما يبين أني مستحيه و خجوله و الفيس أحمر مع الابتسامه البريئه اللي اتحآول تستر الاحاسيس الداخليه!!

انا من دخلت سويت حفله ~
هو لآزم نرمس بالانقلش، و خفت أني من المستحى انسى او ما ادري
اوني استأذنت اذا عادي ارمس بالعربي مثلا؟
بديت بالانقلش عقب كملت بالعربي [ الاستأذان] ~ ما ادري ليش استأذنت يوم اني خلاص نفذت
اسميهم ضحكو ~ بس الصدق كلللله رمست بالانقلش يـآليتني ما فضحت عمريه م البدآيه و قلت برمس عربي !!!

يضحك ههههههههههههه
و الله يضحك الحين يوم اذكر، ما اروم اسكت م الضحك
يوم اقولهم شكلي مغضان، الله لا بليتنآ، انا ما احب جيه >_<!!
اقصد يكون شكلي مغضان، ما احب العرب لانها مستغضنه اتساعد!!!
و الله !!!!!!!!

سـآره كانت اتسآعدنيه، يعني يوم قالوليه رمسي عن عمرج
انا ما اعرف ارمس عن عمريه !! رمست شويه و نشبت خخ يعني قلت الاساسيات بس
احس بسخافه يوم ارمس اكثر
يعني مثلا شو سويت و شو ما سويت، لاني مستسخفه الموضوع شكلي وقفت خخخ
عاد هي كانت اتحاول تسألنيه عشان ما اوقف، و يوم اشوفها حليلها مثل الواحد لي يحمسك ترمس،
حليييييييييييييلها و الله انها طيبه ~ ابتسامتها و اتهز راسها؛ انه هيه رمسي صح كملي هههههه
شرا اليهال ~ يحليلها و الله انها طيبه =)
اصلا حتى الـ 6 رياييل هههه حليلهم و الله طيبين ~ يعني صح جيه غير
بس حليلهم ما حاولو يسألونيه أسئله تحرج او جيه ما ادري
حتى هم يساعدونيه بس لانيه ما كنت اشوفهم خخخ
يحليلهم مطيبهم كلهم =)

قولو شو افضح شي استواليه
يمكن سخيف عند كل حد بس هب سخيف بالنسبه حقيه
هم ما سألونيه شو البرنامج لي استخدمناه فالسينيور هم سألونيه عن السينيور و عن الكودز و الخ
بس انا يوم كنت اقوله عن الكودز ييت بقول شو الببرنامج ما وعيت بعمريه غير ناسيتنه
كيييييييييييييييييييييييييف انسـآه !!!!!!!!
كيف كيف كيف، هآ شي ينتسي!! جاني مجابلتنه دوووم و انسـآه !!!
آآآآه آآآه، شو بيقولون؟؟
حزنت حزن شديد ~ شديد !
حسيت ب مآ ادري

وآحد هآ لي عداليه على اليسار
سألنيه سؤال حرآم اني لين بآجر ما فهمته خخخ
سأل، و قلت له مآ فهمت، رد سأل، قلت اممم ما فهمت
و رد يسأل، قسم بالله كنت بضحك جدامهم على عمريه،
سويت له طـآف، نزلت رآسيه و تميت اطالع تحت و فيّه ابتسامه ضحكه ميوده
ما ادري يعني فجأه حسيت أني ابا اضحك على عمريه، لهدرجة و فجأه استوى استيعابي بطيء؟
يمكن هو لي ما يروم يوصل سؤاله بطريقه مفهومه؟!
عاد ساره ردت تسألنيه سؤاله بطريقتها،
انا الحين ابا اضحك على عمريه و الا اركز على هالسؤال المستعصي، مسخفني
مآ تنفع ف لحظآت الجد حركآت السخآفه،

ابتسمت لهآ سكت شويه عشان اركز و اذكر هي شو قالت هههههه
عقب جآوبت ~ حسيت جوآبي عبيط ما يخصه فالسؤال
بس هزّت رآس لي عدآليه من الصوب اليمين انه عيبه الجوآب
شكله الجوآب الصحيح لو أني اشك ههههه

صح انه المقابله سريعه حسيتهآ بس الفيد بآك كان حلو
حسيتهم استآنسو عليّه الحمدلله
فيه اشياء ثانيه استوت بس ما ابا اقولها اضحك هي بس ما ابا حد يضحك خخخخ
اشياء حلوه، صدق حلوه، احس احلى اني انا بس اعرفها و اللي خبرتهم بسسس
يعني اذا قلتها بتفقد حلاوتها خخخخ
يعني بعد، مب كل شي ينقـآل
الشي لي كتبت هآ شي عادي مب انه هييه و ما ادري شوه


ع فكره طول المقابله و هم يغايضونيه بالوآيرلس، لاني قلت لهم انّه اكثر مساق ما حبيته هههه
حتى هنآك يغايضونيه -_-"

ع فكره كلللللللهم من حرمه و ريـآل ما شفت منهم الا الحشمه و الاخلاق و التعامل الطيب
حتى حبيت المكااان من خاطريه، يـآليت . . . . . . . . . .
هههههه حرام =‘ )


و تراني حتى انا استانست فالمقابله خخخ ~ ليتها طوّلت بس تراه كل شي حلو يخلص بسرعه هههههههه
ما ادري وين الحلاه بالضبط ~ بس حلوه

هههههههههههههههههههههه
استغفر الله ~ ما شي بس و انا اكتب استرجعت المقابله و الاحداث لي استوت
و اللي ما كتبتهآ و ضحكت ~ آآآه اسميني [ طمآشه ]