.




#IT_Marathon



امممم،
على أساس مآ اكتب بوست عن أحدآث أمس، و عن أول آي تي مآرآثون أكون فيه بعد التخرج، لأني على أساس أكتب عن تفاصيل أحدآثة في *ذكريات جامعية*  ... مآ زلت على قراري بس بكتب عن كمن موقف استولّي.


بكتب المواقف بـ عشوائية و مب بترتيب حدوثهـآ =)

---------------------------------------------------------


الآي تي مآرآثون 2012
19/4/2012


1) ههههههههههه ببدأ بالموقف المحرج وآآآآآآآآآآآيد و اللي بسبته استوى ويهي كبر القوطي ههههه. سميت هالموقف بـ موقف لفلاشـآت، حيث أنه تعود بدآيته أنه أحد شباب جماعة السيتا حط فلاشين عند الطاوله المخصصه لرجستريشن، و خبرنا عنهن و سـآر، عاد انا بما أني انا لـ عمريه ما احب فلاشي يكون رغيد او هآردسكي مثلا، و حسيت كأنه شي مهم، يعني حرآآم و الله >_< ، و حسيت غير و أنه لازم انحطهن عند حد مب جيه رغيد، سرت و شليتهن عقب سرت عند د.مولآي، و هو قـآلي اعطيهن بنت د.سعد * و عقولتيه بنت أبله سعد* هههههههههههه ~ حرآم و الله بالغلط قلتهآ و تمو يضحكون عليّه >_< !! و كآنت عندي أخت كيوت كيوي و اللي كل لي يشوفها يتحراها كيوت كيوي احدى عناصر الاف فور هههههه. عقب فتره شآفتنـآ بنت د.سعد، و قالت بتمن لين الحفل الختامي، قلت لهآ هيه بنتم، و خبرتنـآ عن كيسة لفلاشات الكبيره اللي صاحبهآ خلاها عندها و أنها ما اتروم اتم لانها بتسير تيب خوانها من المدرسه، عاد انا مآ اقدر اقول لآ كـ العاده لوول، و بمـآ أني مآ ابا اتم قاعده شليت الكيسه و دسيتهآ فأوفيس السيتآ + عطتني بطآقة الريّـآل.

سرت وجيه و عادي البنات اتغدن و انا احوط ما بغيت اتغدى لاني يوني اتريقت ريوق متأخر و ريوق بن عروه، ما ادري لاعت جبدي ههههه، اذكرت سالفت الفلاشات و لو يآ الريّآل شو بسوي و كيف بعرفه؟ حرام ما يصير جيه >_< ،، خص اني مآ اعرف شكله ابداا. تميت مآسكه البطاقه قلت بيشوفها و بيي هههههه، و عقب شفت مس هديل و هدى، قلت أكيد يعرف شي و الا شي، شكلهن ما فهمن عليه، سويت طاف و وقفت انا واخت كيوي عند طآولة الريجستريشن لمده بسيطه  على أمل الريال يشوف بطاقته او ايي يبا فلاشاته، عقب قلت بسير الصوب الثاني يمكن هناك *سايد البويز* .. و انا سايره، كان زحمه عند الباب و تمينا ناشبات نتريا العرب اتخطف يوم شوي لمحت شي، و بسرعه اتراوالي فـ ذهني بشكل مشوش "ريال كان وآقف عند ستآند و مآسك نفس كيسة لفلاشات" .. قلت فـ خآطريه ليكون هو، هالشخص بسرعه سار من زحمة العرب ما رمت اعرف انا منوه شفت هههههه، مسكت اخت كيوي قلت لهآ تعالي بنرد ما بنسير الصوب الثاني بندوره هنيه، شوي و أني اشوف ريال وآقف عند طآولة الريجستريشن و يطالع وين كانن محطوطات فلاشاته بسسسسسسسسسرعه سرت صوبه *بالعاده اكون قمّه فالمستحى* بس يمكن لانها امانه حسيت غير لوول، قلت له سيده : لو سمحت ادّور فلاشاتك؟ حليله اتقولون طايحه عليه من فوق ههههه فرح قال هيه *هو موآطن كآن متعقل* ... قسم بالله اني قلت له تم مكانك بسير و بييب فلاشاتك، اناااا قلت له تم بقعتك ما قلت له شي ثآني، و كانت اخت كيوي ناشبه عن مصري محتشر يبا يصور اوراقه، احيد اني قلت له جدامه بليا حاسيه، خليه يصبر شوي بنسير و بني انشوف له حد يصور، المهم سرنآ صوب اوفيس السيتآ و نحن سايرآت فالممر انا ارمس اخت كيوي اقولهآ: و الله أني عررررفته من طآقيته لمخبقه ههههههههههه فديتني ما فيّه حيله، حليييييله يدور فلاشاته، و اقولها يعني، و الريال ورانا ثره و يتسمع، لاني سمعت حد يقول لو سمحتي، يوم صديت ورى و انه هو و يبتسم، خيبه اختبصت خبصه >_<. لو ما سمع عادي، لو اني ما قلت شي غير امدح عمري أني عرفته ههههههه. احيد من الاحراج سويت طاف و بسرعه دخلت الاوفيس و هو الذكي دخل ويآنـآ ههههه، سرت صوب هو منخش شويه هالمكـآن و قوم كيوي كانن يتغدن، خفته ايي هنيه، قلت انتن هنيه تتغدن؟ ههههه بالعاني شو اسوي؟ حليله، عاد من دخلت مآ ظهرت من الفضحه و هن يقولن بلآج طبوعه شو المستوي شو فيج ههههههه اخت كيوي ودّت له لفلاشات لانه صدق ما رمت اسير مفتضحه هههههه، هآ و انا رامسه عادي و ما قلت شي بس انه مب حلوه ارمس عن ريال و يكون يسمع، لو بنت هب مشكله >_< .. وهقت البنت حليلهآ، تم عقب طول فتره الافنت يوم يشوفني يضحك >_<.


2) كـآنن كيوي و كوين وو نسيت منوه بعد عند استاذ عزآم كانن كمن وحده، يرمسن، و هو طرآني حليله، هن شآفني و صدّن صوبي أشرن انه هكيه طبوعه، سرت صوبهم و سلمت، قالو توه استآذ عزآم يطريج، و حد قال بنت حلال حد قال الطيّب عند ذكره هههههه، قلت له استآذ لو طاري لك المليون هب ابرك، حرك ايده جيه و قال اعوذ بالله، و تم يمدحنيه هههههههههه، يضحكني يضحكني هالانسـآن وكيف يوم يرمس، احسه مخآوي شمّـآ، عينآوي صدقي هههههههه حليله و الله هالانسان صدق محد مثله ما قصر ويآنـآ، عقب مآ ادري شو ياب طاري أول كورس لاستاذ عزآم، و دايما تراه مفضحنا هالانسان ههههههه ما خلى حد ما خبره انه نحن *انا و هكونا و الوضيحيه* اول ناس يدرسهم و مطفريبه اونه نرمس ههههه احيد مره قـآلي طبوعه تعالي جدام، احيدني عصبت ههههه تميت ساكته ما ابا افهم هههه >> يا البزى، حتى احيدني ما كنت اسأله كل حد يسأل انا ساكته احاول احل الاب بروحي هو كان اييني يشوف و يسألني اذا ابا شي ههههه، حليله كان كلاسه حلووو. و طبعا كان يتشكى منا عند كوين و كيوي و نسترجع الذكريات وياه هههههه، ابطينا شوي وياه عقب سار و سرنا.


3) هههههههههههه بموت ضحك لو صدق يعني، فـ وقت الكلوزنق *الحفل الخاتمي عقولتهم* .. و على وقت السحب للجوآئز، اممم حسيت فيه خبصه شوي و غير يعني ! لو بعدني مب متخرجه يمكن اسوي شي بس تراني متخرجه و مب وآآآيد انفولف فالسالفه >_< ،، ع العمووم كانو يزقرون الارقام، من الخبصه استوى عادي اي حد يرفع ايده الا جيه ههههههههه، كانت كيوي ما ادري وحده بنت اتقول طالع يرفعون الا جيه، وآحد من الصبح يرفع هههه، يعني صدق عادي انا برفع ايدي و بيتحروني انا و يلا الرقم الثاني، يعني بخرب على غيري >_< .. و هذا لي استوى اعتقد، كنت لآفّه ويهي عند كيوي و اضحك و اقولهآ لو رفعت ايدي بيتحروني انا، و احيدني رفعت ايدي بس مب فوق، في بقعتها بس جني اقول انا، مآ وحالي صديت صوب الاستيج اشوفهم يأشرون صوبنا، متنآ ضحك، و اعتقد يتحروني انا لانه مآ شفت حد رافع من صوبنآ ايده، انا و كيوي ميتات ضحك، خبرنا هكونا ماااتت ضحك عقب هزبتنآ قالت حرام خربتن على غيركن ليش جيه اتسون، انا مب قصدي كنت استهبل على كيوي و قلت لها لو ارفع كيف. طماشه الدنيآ ^_^.


4) عقب الحفل النهائي، قالت هكونا قومن بنسير الكونترول روم، خلانا الهندي لي هناك يعرفنـآ اعتقد من ابتسامته، قعدنا انطآلع الكيمره و نلعب بهآ ههههههه احيد اني انا و فيتامين كنّا اندورهآ، وحده ادّور و الثاني اتقرب و اتبعد، ههههههههه كنت اشوف المسرح كامل من كل صوب، عقب وديتهآ صوب د.نادر البحريني، و ما ادري منوه كان يقرب عقب شفته فالشاشه يسويلنآ بآي ههههههههههه، بسرعه لفيت الكيمره و متنا من الضحك ههههههههه، هو كان وآقف عند الباب اليسار و مجابل دريشة الكنترول روم، حرام مب قصدنا بس كنآ نلعب هههههه حليله، عقب يوم شفنا الكيمره لي انحركهآ متنا ضحك و الله شكلهآ عبيط، نحن لو نشتغل هالشغله هبابنآ نضحك و نلعب شرا اليّهال، بس والله كاااان حلوووووو.


5)  بـــآجر بكمل و بعدل البوست ،، تصبحون على خير =)