و للمغامرات الإف فوريّه ذكرى جميلةٌ جداً في نفسي،
سأتطرق لذكر بعضها هنـآ في بلوقي، لكن بدون ترتيب الأحداث،
فقط سأكتب ما يتبادر في ذهني حالياً، لأترك البقية في صفحات *ذكريات جامعية*
- UAEU Career fair/ CIT -
أول سنه لنا فالآي تي، كـآنت السيتا فعلاً غير. في ذاك الوقت كانت أمل هي السيتا برزدنت، كانت مثال للشخصية القيادية، حبينـآ السيتا بسبتهآ، بالإضافة أنها كانت نحن بالذات اتعاملنا غير عن كل حد، و الإهتمام وآضح من صوبهآ. من ضمن فعاليات السيتآ، الكارير فير اللي سونّه بنات السيتا عندنا فالآي تي، كـآن أول مره يستوي عندنآ، و طبعا الخريجات هن اكثر شي المستهدفات. كانن البوثات الخاصه فالشركات موجوده على الطرفين فـ college hallway و كان إقبال ما شاء الله عليهم، ذاك اليوم بالصدفه نحن الاربع كنّـآ مطقمات بأول لبس لنآ فـ التظقيم. كـآن درس رمادي تحته قميص وردي و الحزام وردي، كآنن البنات يوم يشوفنا يتحرنا بنات مدارس ههههههههه، كنّـآ صغيرونات خخ و اللبس يساعد بعد.
مطقمين بعد بالجوتي + الشيله + الاكسسوآرآت ~ كنّـآ جميلات هههههه.
في هذاك اليوم كآن فيه بوث فاضي اتوقع مال بنك دبي الاسلامي اعتقد يعني، ما يوو اما باقي البوثات كان فيها موظفين مواطنين و مواطنات، كنّـآ نتجول فالارجاء، كانت الاوضاع جميله و مبنانا مكتض بطآلبات الآي تي.
قررنا نقعد وين البوث الفاضي و كـآن قرب المسرح، اذكر اني انا و هكونا كنـآ قاعدات، و يونّه الوضيحيه و كيوي يايات عندنـآ هههههه *نلعب* بروحنـآ + يغطن علينـآ لانه شي رياييل، احيد انه فجأه استون البنات ايينا، و كنّـآ انقول لو انسوي مقالب فالعرب؟ نبا كيمره فيديو يونـآ بنسوي نفس الكيمره الخفيّه، حلوو بيكون، و كانت هكونا اتمثل الدور بشكل جداً جيّد كالعاده محد درابها انها اتغايض او انه مقلب، انا احيدني كنت منزله راسي و اضحك *كنت عدالهآ* وو غلامتين كانن قابضات الضحكه ما ادري يضحكن، فيه بنات صدقن، معظم البنآت كانن يضحكن يوم يدرن أنه نحن بنات آي تي يداد طبعا هههههه، و انا اشوف كل الشركآت عيونهم علينـآ، شافو عندنا زحمه استغربو هههههههه. إلا وحده ما انسـآهآ من البنات اللي ما عندها روح رياضيه، اصلا نحن بروحنا ملامحها و جديتهآ مآ خلتنـآ انكمل، احيد هكونا بسرعه اعترفت لهآ خخخ. نحن من الربشه ربعنا عند أمل خبرنـآهآ شو سوينـآ و اشوفها ميته ضحك واتقولنـآ كملن، انزين، و تضضضضضضضضضحك علينـآ، يوم خلصنآ قالت يتني بنت تتشكى و اعتقد انها نفس البنت لي طريتنهآ، بس حبيت رد أمل عليهـآ، كانت ادآفع عنّـــآ ههههههههه. من الأيـآم الجميله جدا جداً ......!
يتبع
