* اليمعه: 21/10/2011
عقب صلاة العصر سرنآ البر، خلاف ردينآ صوب العزبه صلينآ المغرب وحملنآ الحطب وردينآ البيت، كلهم سآرو المعآريس، يعني مب كلللهم ههههه. فـ هالاثنآء وكلولي انا و بنت خآليه ودوم انه انزهب وانسنع البشكآرآت. عشآن سالفت الباربكيوو والعشا فـ حوش البيت. اتصلت بالبشكآره من العيآزه اني انزل تحت وقلت لهآ تفرش خآري. و شوي يتنيه ودوم الحجره اتقول يلآ نزلنـآ؟ لبست شيلتيه ونزلنآ تحت ويوم وقفت على دري الفله متجهه إلى الحوش واني اشوف البشكآرآت مشللات الحصير + الزوليه وناهيات الصوب اليسآر < أحب أقعد وين الصوب اليمين بس حلوو هنآك أول مره خخخ.. الله يهديهن سآرن بعييد، نحن مآ شااااااء الله حوشنآ وآآآآآيد وسيع من كل الاتجآهآت وبيتنآ مخآلف بنوه فـ نص الحوش >_< ! زين المشي رياضه خخخ. سرنآ وقعدنا على المخدات وهن يابن يونيه وحاطين فوقهآ حطب ويآبن لكوآر وبدينآ انوري الضو. و ودوم اتسولف عليه بعلومهآ فـ المدرسه< ثالث اعدادي والمفروض ثاني. يتنآ امهآ خلاف وقعدنآ انسولف لين يوو الشباب من العرس وقعدو وخلاف امآيه يت. سوآلف وعشآ وهيك. حمد وودوم سارو ويابو سيآكل سعيد وسيف < كبار هن شوي يناسبنآ يعني خخخ. مآ ادري شو خلاني أروغ ودوم وأركب < ليتهن أم تآيرين >_< !! بصور السيكل وبحطه فالبلوق < خفت انهزب بس حمد وبتعليقه خلاهم يضحكون ونست شكلها امايه اتهزبنيه خخخ. تمينآ نحن الـ3 نلعب بالسيآكل واندور على البيت وحمد يصورنآ فيديو بكيمرتيه ويعلق < برآوي الافور الفيديو لانه تووووحفه ! صراحه استمتعت
مره اسوق السيكل ومره أركب فـ الكريل < السله مآلته. ودوم الهرمه يوم وديتها صوب المطبخ ونزلنا نشرب مآي ظهرت وسرقت السيكل. سرت ركبت ورآ حمد فالسله واتقبضت فيه خخخ. حليله السنه اليايه بيكون ثنويه عامه. ههههه اتخبرت حمد سيكل منوه يالسه اسوق قآلي سيكل سيف. قلت لاااااا !! ههههه، مآ فيّه عليه >_< ، الحمدلله كآن راقد يعلهآ نومت العوآفي ي بو هنآد. لو كان سعيد واعي بيخليني اسوق سيكله، سعيد غيير صدق غير. أعيّبـه هههههه.
هآي هي البدع مب ما ادري وين، عنبوه لين رملة المطآر سموهآ البدع !!
بدعهم هآذيج عاده !!!!!
البدع الاصليه والصحيحه هآي.
انقهر يوم يسمون الرمله هآي لي صوب بيت الحلامي ومنآك كلهآ ليييين المطآر هآي كلهآ ي وين البدع
متى استوت البدع؟ لا وهل العين جيه يقولون ي الفضآيح >_< !!
وآخر شي، قعدنا فالميلس انا واخويه وحمد ولد خآليه وأخته ودوم
نلعب بـ الوي لعبت ويآهم شويه < قلت لهم بسير البس بجآمتيه وبرد لكم، سرت ولا رديت خخخخ
لا حرام اتصلت اخبرهم اني ما بنزل < ريحتيه دخااااااان وقدني واصله فوق
اتسبحت ورقدت
