العرقوب

{ في هذه اللحظة يتملكني الشعور بالقهر }

فاعذروني

على طريقة تعبيري وكتآبتي

واسلوبي في التعبير عن استيآئي..!!

>> علهم يدوخون بعر "الله يعزكم"..!

هذآ سبب القهر لي فيـه..!

ادري اني مهمى رمست وتعبت عمري وكتبت هنيه

مآ بيكون شي فآيده منهم

لانه خلآص هم مقتنعين بالشي لي يسوونه >> امحق مآ ادري على شوه هالقنآعه..!!!

انا مآ بقعد اتفلسف واقول

لانه الشخص المدخن وآعي بمآ فيه الكفآيه لمعرفة اضرآر التدخين

ولكن الشي لي ابآ اقوله..!

شو الفـآيده..؟

شو بيستفيدون من الدوآخه { سوآء بمدوآخ والا بزقآره } ..؟

انزين

دخلت هوآء [ خآآآآيس ] وريحته خآيسه وكل شي فيه خآيس

في جسمك

عقب ضهرته ..!

انزين وبعدين..؟؟ شو الهدف من هالعمليه بالضبط..؟؟!!

حد يقولي..!

مآ اتجزون عمآركم ادخلون دخآخين خآيسه لجسمكم..؟؟

مآ اتلوع جبدكم ,, مآ اتحسون انكم استويتو وصخين بمجرد قيآمكم بهالعمليه..؟

يعععععععع

الحينه اذا خيسكم شي على طول بتسيرون تسبحون

وبتتنظفون وبتعطرون وبتكشخون وبتستون محد مثلكم 

لكن..!

جسمكم يوم دخلتو فيه هالسموم وخيستوه كيف بتسبحونه وبتنظفونه..؟

اممم ,,

نفسي اعرف شو اللي يخليكم ادوخون..؟

هل هو الشعور بالـ { مريـله }...؟ >> امحق مريله في ذمتيه..!

هل هو الشعور { باللذه } >> نفسي اعرف وين اللذه بالضبط..؟

هل هو { اتبآع الهوى } >> اذا كل وآحد بيتبع أهوآئه ونفسه بيكبر حزب الشيطآن بينفجر الا من كثر العرب لي تتبعه..!

انزين اذا انتو هب هآمتنكم صحكتم ,,

واتعرفون مضآر التدخين وفوق هذآ ادوخون

مآ اتخآفون من ربكم..؟ مآ اتخآفون يوم الحسآب..؟

الروح والجسد أمآنه عندكم

والمفروض اتحآفظون عليهآ ,, بآجر ربكم بيسألكم عن الاضرآر اللي الحقتوهآ بهالامآنه

بآجر جسمكم اللي اتأثر من هالتدخين بيشتكي عليكم

وبينطق وبيقول عن فعلتكم فيه..!

وين بتودون ويهكم من ربكم..؟ شو بتقولون يوم انه جسمكم بيشهد ضدكم بآجر..!

انتو الحينه مآ اضرون عمآركم بس اضرون لي حولكم لي مآلهم ذنب

اهلكم وربعكم الهب مدخنين ويمكن عيآلكم وحريمكم ومآ اعرف المهم النآس لي حولكم

انزين هم شو ذنبهم يعني..؟؟ تبون تآخذون ذنوبهم..!! 

عآده من كثر الحسنآت يعني..!

في ذمتكم الحينه اكيد كل حد وعنده ذنوبه ,,

انزين ليش اتزيدون الذنوب ذنوب ,,

في هالزمن بالذآت احس الذنوب تكثر

والحينه العرب تبآ سبب عسب تركز كرآعهآ واتموت ,,

عآده من يفوت الفوت مآ ينفع الصوت

ادري انه اي شخص مدخن يقرى كلآمي مآ بيهمه واحتمآل يضهر من بلوقي

ولكن قبل لا تضهر

لا تتبع نفسك واهوآئهآ ,, الشيطآن مخآوي البشر

وجآن الا تبون اتخآوونه هذآ شي ثآني

والله حرآم عليكم والله

 

انصعقت من خبر قآلي عنه اخويه هالاثنين

كآن ضآهر من المدتيرم على المغرب وخطف عليه وانا فالجآمعه

مآ كنت حآطه ابدن في بآلي انه هالاشخآص يدوخون

ويوم قآلي

صدمني..!

حسيت غير ,, لااا حرآم عليهم ,, يعني ابدن ابدن ابدن ابدن مآ اتوقعت هالشي

حرآآآم والله ..! انزين ليش..؟؟

كنت ابا اسوي شي عشآن اقول لآ ادخنون .. بس..!

[ مآ لي الحق اقول هالشي ]

سآعآت يوم اشوف حد يدخن احس اني مهمومه

لو اني مآ اعرفهم ولآ يخصني فيهم

بس مآ ادري

حرآم صدق

كيف اذا اشخآص اتعرفونهم..؟

غير والله ,, الله يهدييييهم ويقلعون هالسقم..!!

>> حرآم عليكم قلعو التدخيـن..! عشآن عمآركم مب عشآن حد

الحمدلله الحمدلله يآرب محد من هليه يدخن الحمدللـــــــــــــــــــــــــــه

الله يحفظهم والله يحفظ يهآلنآ عن الدوآخه مستقبلآ

 Ps. i hope they read wat i wrote coz i mean them by this post, i know they will nt read, bs i have a hope =D..!

>>  دمتم بأجوآء خآليه من التدخيـن =)